Россия президенти Владимир Путиннинг матбуот котиби Дмитрий Песков Россиянинг Сурияда амалга ошираётган ҳарбий ҳаракатлари террорчилик экстремистик гуруҳларга қарши қаратилган ҳаракат эканини таъкидллаб ўтди. Бу ҳақда «Интерфакс» ахборот агентлиги хабар тарқатди.

«Россия президенти ҳам, ҳарбий раҳбарларимиз ҳам бир неча маротаба таъкидлаб ўтганидек, бизнинг Сурия ҳудудидаги ҳарбий ҳаракатларимиз у ерда ўрнашиб олган террорчилик ва экстремистик гуруҳларга қарши қаратилган. Бундай гуруҳлар Сурияда жуда кўп», — дейди Песков.

Олдинроқ, Россия ташқи ишлар вазири Сергей Лавров Россиянинг Сурия ҳудудидаги ҳарбий ҳаракатлари мамлакатда тақиқланган «Жебҳат ан-Нусра», ИШИД ва бошқа бир қатор террорчилик гуруҳларига қарши қаратилганини таъкидлаб ўтганди.

Эслатиб ўтамиз, Россия 30 сентябрдан бошлаб Сурия ҳудудида ўз ҳарбий операцияларини бошлаган.