Бутун дунё миқёсида бўлганидек, бугун Ўзбекистонда ҳам ўтовли туризм тез суръатлар билан ривожланмоқда.
“Аёз Юрт” корхонаси раҳбари Дилбар Каримбердиеванинг сўзларига қараганда, бу соҳа улкан салоҳиятга эга.

Хусусан, Ипак йўлини қайта тиклаш дастури доирасидаги кўплаб лойиҳалар айнан ўтовли туризмни ривожлантиришга қаратилмоқда.
“Қорақалпоғистонда туристлар оқими йилдан йилга кўпаймоқда. Элликқалъа туманининг Бўстон шаҳрида жойлашган ўтовли қароргоҳимиз кўпларнинг диққатини тортмоқда, - унинг сўзларини келтиради Sputnik агентлиги.

– Ишимизни 1998 йилдан бошлаганмиз, ўшанда фақат иккита ўтовимиз бор эди. Бугун уларнинг сони 10 баробар кўп. Бунга қўшимча равишда туяларимиз бор, уларга миниб олган меҳмонларимиз маҳаллий диққатга сазовор жойлар бўйлаб айланиши”.

Маҳаллий туристик корхоналарнинг саёҳат дастурларига Хива, Бадай-Тўрғай қўриқхонаси, Орол денгизи, Савицкий музейи ва бошқа объектлар киритилган.