Чеченистон раҳбари Рамзан Қодиров Москва жомеъ масжидига Муҳаммад (с.а.в)нинг шиша капсулага солинган соч толасини совға тариқасида тақдим этди. Россия бош муфтийсига ушуб совғани топшириш маросими Чеченистон Республикаси пойтахти Грознийда жойлашган “Чеченистон қалби” масжидида бўлиб ўтди.

"Мен Москва жомеъ масжиди очилиши маросимида пайғамбаримизнинг соч толасини совға қиламан, деб ваъда бергандим. Москва – бу Россиянинг пойтахти. Унда икки миллиондан ортиқ мусулмон яшайди. 40 дан ортиқ мусулмон мамлакатлари элчихоналари жойлашган. Бу жойга жаҳоннинг кўплаб ерларидан меҳмонлар ташриф буюришади. Шу боис бу масжидда пойтахтда Буюк эсдалик бўлиши керак”, - деб ёзади Қодиров ўзининг ижтимоий тармоқдаги саҳифасида.