Украина Олий Радаси “Украина Қуролли Кучларида чет эл фуқароларининг ҳарбий хизмат ўташи тўғрисида”ги қонунни иккинчи ўқишда қабул қилди. Унинг қабул қилинишини 229 депутат ёқлаб чиқди.

Матнга кўра, қонун лойиҳасидан кўзланган мақсад Украина қуролли кучлари ҳарбий салоҳиятини ошириш, мамлакат шарқидаги уруш оқибатида кўрилган молиявий ва инсоний зарарни қисқартириш.

Украина депутатларининг ишонишича, бу қонун туфайли Украина армияси минг кишилик яхши қуролланган ва сифатли тайёргарликка эга бир нечта бўлинмага эга бўлади.