6 октябрь куни ҳолатига кўра, "UZ” ҳудудидаги фаол доменлар сони 24 мингтани ташкил этмоқда.

Ўзбекистон ҳудудида доменларни рўйхатга олиш билан шуғулланадиган ccTLDUZ маълумотига кўра, шу йилнинг июль ойида .UZ доменлари рўйхатга олиниши билан боғлиқ энг юқори кўрсаткич (1243та) қайд этилган.

2015 йил бошида "UZ” ҳудудидаги фаол доменлар сони 19711та эди. Февраль ойида 20 000-домен ўз эгасини топгани маълум қилинганди.

Жорий йилнинг 26 апрелида 21 000 домен рўйхатга олинган.

Июль ойида эса UZ зонасида рўйхатдан ўтган доменлар сони 22 мингтага етганди.

Айни вақтда 9416та домен Arsenal-D расмий регистратори томонидан рўйхатга олинган.

Бу борадаги иккинчи кўрсаткич BILLUR COM (4709та домен), учинчи кўрсаткич Tomas (3965та домен), 4-чи BCC (1446та домен) ва 5-чи Sarkor Telecom (1256та домен)га тегишли ҳисобланади.