Нефть-газ соҳасида фаолият юритувчи British Petroleum компанияси рекорд даражадаги жаримани тўлайди.
Жаҳон матбуотида таъкидланишича, АҚШ адлия вазирлигининг даъвоси қондирилган, эндиликда ВР ҳукмда белгиланган жаримани тўлади.

Мексика кўрфазидаги Deepwater Horizon бурғулаш платформасидаги авария оқибатида етказилган зарарни қоплаш учун ВР 20.8 млрд доллар тўлайди.
2010 йил 20 апрелда содир бўлган авария нефть соҳаси тарихидаги энг йирик фожиалардан бири бўлди. 85 кун давомида океанга нефть оқди, бу атроф муҳитнинг жиддий зарарланишига сабаб бўлди. Бундан ташқари, аварияда 11 киши ҳалок бўлди.