АҚШда БМТ вакиллари ичида порахўрликка йўл қўйганларни аниқлаш бўйича тергов ишлари олиб борилмоқда. Бу ҳақда The Wall Street Journal нашри хабар тарқатди.

Манбанинг ёзишича, БМТ вакиллари Хитойнинг Макао шаҳридаги қурилиши ишларини ташкил этиш учун пора олган бўлиши мумкин.

Қайд қилинишича, ҳозирги тергов ишлари бошланишига макаолик турар-жой бозорининг энг катта вакилларидан бири Нг Лапсэнгнинг ҳибсга олингани сабаб бўлган бўлиши мумкин.

Шубҳа остига олинганларнинг сони ҳозирча айтилмаяпти. Маълум бўлгани бир қатор мансабдорлар порани Кариб ҳавзаси мамлакатларидаги ҳисобларига ўтказиб олишган.