Сешанба, 6 октябрь куни Ямандаги Адан шаҳридаги бир қанча объектларга уюштирилган ҳужумда Саудия Арабистони бошчилигидаги коалициянинг 15 аскари ўлдирилди. Бу ҳақда БАА ташқи ишлар вазири Анвар Муҳаммад Гаргаш айтиб ўтди.

Унинг таъкидлашича, ўлдирилганларнинг 4 нафари БАА аскарларидир.

Экспертиза хулосасига кўра, ҳужумда 4 автомобиль иштирок этган. Улар шаҳарнинг коалициянинг ал-Бурайқа туманида жойлашган объектларини нишонга олишган. Жиноятчиларнинг шахсини аниқлаш бўйича ишлар давом этмоқда.