Афсонавий немис футболчиси Герд Мюллер Альцгеймер касаллигидан азият чекмоқда, деб хабар бермоқда Bild нашри.

Маълум қилинишича, 69 ёшли Мюллер жорий йилнинг февралидан қариялар уйида яшамоқда.

Герд Мюллер Германия терма жамоаси сафида жаҳон (1974 йил) ва Европа чемпиони (1972 йил) бўлган. 1970 йилда жаҳоннинг энг яхши футболчиси учун бериладиган "Олтин тўп" мукофоти совриндори бўлган.

Альцгеймер касаллиги хотира йўқолиши, нутқ ва англаш функцияларининг бузилиши билан кечадиган асаб касаллиги ҳисобланади. Касал ўзини бошқара олмайди. Организм функцияларининг секин-аста йўқолиши ўлимга олиб келади.