Рио-де-Жанейрода бир аёл автомобилидаги Waze автонавигатори манзилга янглиш йўл кўрсатиши оқибатида отиб кетилди, деб хабар бермоқда CNN телеканали.

70 ёшли Регина Мурмура исмли бу аёл ўзининг турмуш ўртоғи билан автомобилда саёҳат қилиб юрган. Автомобилни турмуш ўртоғи бошқарган Улар Нитерой туристик шаҳрига етиб олиш учун Waze дастуридан фойдаланишган. Навигатор бу шаҳарнинг ўрнига шундай номга эга энг хароб ва хавфли туманлардан бирига йўлни кўрсатган. Аёл ва эркак бу ерга келганда қандайдир сабабларга кўра ўз автомобилларида ўққа тутилган. Нашрнинг маълумотларига кўра, автомобилга 20 та ўқ узилган. Аёлнинг эри қутулиб қолган, бироқ аёл олинган жароҳатлардан машинанинг ўзида жон берган.

"Бахтга қарши, ҳайдовчилар бундай манзилни танлаганларида хавфли туманларга боришнинг олдини олиш мураккаб. Ахир у ерда яшовчи одамлар ҳам ўз уйларига етиб олиш учун имкониятга эга бўлишлари керак", деб айтди Waze вакили.

Аввалроқ Google’га тегишли Исроилнинг Waze компанияси машҳур актёр Арнольд Шварценеггер билан шартнома тузганди. Унга кўра актёр хизматнинг навигацион эслатмаларига овоз беради.