Ўтган ойда Буркина-Фасодаги давлат тўнатарилиши амалга оширишга уринган генерал Жильбер Дьендере мамлакат хавфсизлигига таҳдид солиш ва одамларни ўлдириш жиноятларида айбланмоқда.

Шунингдек, унинг тарафдори бўлган, Буркина-Фасо ИИВ собиқ раҳбарига ҳам шундай айбловлар қўйилган.

Сиёсатчи ва генерал Жильбер Дьендерега ички тартибни издан чиқариш мақсадида "ташқи кучлар билан тил бириктириш" айби ҳам қўйилган.

Айни вақтда у қандай ташқи кучлар билан алоқада бўлганига аниқлик киритилмаган.

Жильбер Дьендере 1 октябрь куни ҳокимиятни қайтаришга розилик билдирганди.

Бироз олдинроқ, мамлакат бош вазири Яқуб Исоқ Зида таслим бўлган генералнинг ҳаёти сақлаб қолинишини маълум қилганди.

Эслатиб ўтамиз, Буркина-Фасода генерал Жильбер Дьендере бошчилигидаги ҳарбийлар 16 сентябрь куни давлат тўнтариши амалга оширишга уринишган ва вақтинчалик президент Мишель Кафандо ҳамда унинг ҳукуматини ҳибсга олганди.

Агар генерал ўз ҳаракатини давом эттириб, давлат тўнтарилишини амалга оширганида, бу 1960 йилдан бери еттинчи марта ҳукумат тўнтарилишига айланган бўларди. Айнан 1960 йилда Буркина-Фасо Франция мустамлакасидан озод бўлганди.