Туркия бош вазири Аҳмат Довудўғлининг баёнотига кўра, Россиянинг Суриядаги 57 зарбасидан фақат 2таси ИШИДни нишонга олган эди, қолганлари эса мухолифат позицияларига берилган. Унинг сўзларини РИА Новости келтирмоқда.

Россия ташқи ишлар вазири Сергей Лавров Россиянинг Суриядаги асосий нишонлари “Жабҳат ан-Нусра” ва ИШИД эканлигини таъкидлаган эди. ТИВ расмий вакили Мария Захарова ҳам Россиянинг ҳаракатлари халқаро қонунчиликка мувофиқ келишига ишонтириб ўтган эди.

Довудўғли Россиянинг Суриядаги операцияси Россия-НАТО ёки Россия-Туркия қарама-қаршилигига айланишини истамаслигини изҳор қилди.