Facebook ижтимоий тармоғининг мобиль дастуридаги хато АҚШлик Шулер Бенсонга ўзининг иккинчи ярмини топишга ёрдам берди, деб ёзмоқда The Sun нашри.
2009 йилда эркак ўзининг Facebook’даги саҳифасига смартфондаги мобиль дастур орқали кирмоқчи бўлди. Бироқ номаълум хато туфайли у Селеста Зендлер исмли номаълум қизнинг исми билан дастурга кирди. Бенсон қизнинг кимлигини билмаган ва у билан умумий дўстларга ҳам эга бўлмаган.

Бўлаётган воқеадан таажжубланган Шулер қизнинг кимлигини сўраб ва нима учун унинг номидан тармоққа кириб қолганини айтган ҳолда қизга хабар қолдирди. Шулер ўзининг аккаунтини очганда қиздан уни дўстларга қўшиш ҳақидаги таклифни кўрди.

Икки ёш мулоқот чоғида уларда кўпгина умумий жиҳатлар борлигини аниқлашди. Улар яқиндан мулоқот қила бошлашди, 2013 йилнинг июнида эса биринчи марта учрашишди ва бир-бирларига кўнгил қўйишди. Маълум вақтдан кейин улар турмуш қуришга қарор қилишди.

Бенсоннинг айтишича, у "ўзининг иккинчи ярми, энг яхши дўсти, муҳаббатини ижтимоий тармоқдаги оддий хатолик туфайли топа олди".