Владимир Путин Сурияда ҳарбий кампания ўтказиб, шу йўл билан ўзининг Яқин Шарқдаги ўрнини мустаҳкамламоқчи, деб ҳисоблайди The Financial Times нашри.
Шу билан бирга, колумнистнинг фикрига кўра, яқинда Россия етакчиси АҚШ аллақачон тушуниб етган нарсани англайди: ғалаба нисбий тушунчадир.

2003 йили Ироққа кирган АҚШ минтақада уруш ботқоғига ботиб қолди ва бир олам душман орттирди. Шиалар ва суннийлар тўқнашувлари алалоқибат ИШИДнинг майдонга келишига замин яратди. Шу боис Путин БМТдаги охирги чиқишида: “Нималар қилиб қўйганингизни тушунасизми?” сўроғи билан АҚШ расмийларига юзланди.

Россия операцияси сунний қочқинлар оқимини янада кўпайтиради. Туркия, Ливан ва Иордания тўлиб-тошиб бўлди, Европадаги инқироз эса янада кучаяди.
Ливиялик сиёсатчи Валид Жумбулат Суриядаги демографик мувозанат издан чиққанини таъкидлади: “7-8 млн қочқин ҳеч қачон ўз уйларига қайта олмайди”.

АҚШ ўзининг тенгсиз ҳарбий салоҳияти билан ҳам минтақани тинчлантира олмади, шу боис Россиянинг амалдаги қадамлари бу ақлсизликнинг такрорланиши бўлди, деб хулоса беради мақола муаллифи.