Грозний мэрлиги чечен урф одатлари ва анъаналарига мувофиқ тўй маросимларини ўтказиш бўйича янги бўйруқ чиқарди. Ҳужжат Грозний мэрлиги маданият департаментида эълон қилинди.
Буйруққа кўра, тўй маросимлари бўлиб ўтаётганда ҳар қандай турдаги ўқ отар қуролдан фойдаланиш ва спиртли ичимлик ичиш тақиқланди.
Бундан ташқари, буйруқда ўйинга тушишга таклиф қилиш, рақс пайтида йигит қиз билан масофани сақлаши, қизларга эса рақс пайтида йигитлар билан “тенглашмаслиги” кўрсатиб ўтилган.
Шунингдек, чечен тўйларида келиннинг рақс тушиши ва торт кесиши ҳам тақиқланди.
Бўруқда келтириб ўтилган қоидаларга амал қилинмаган тақдирда, маросим ўтаётган ресторан ёки банкет зали маъмурияти дарҳол полиция чақириши мажбур. Ҳужжат сентябрь ойида чиқарилди ва айни дамда амалда.