Италиянинг «Милан» клубининг япониялик яримҳимоячиси Кейсуке Хонда япон нашрларидан бирига берган интервьюси чоғида клуб менежментини танқид қилиб жамоа муваффақиятсизликларида футболчиларни айбламаслик кераклигини таъкидлади.

«Милан»нинг доимий муаммоси бир хил бўлиб келган. Биз олдинги хатолардан ҳеч қандай хулоса чиқармаяпмиз. Шундай экан биз жамоани қайтадан қуриш йўлида ҳали анча орқадамиз».

«Охирги мавсумларда кўриниб турибдики, жамоани қайтадан қуриб бўлмай қолди. Бунинг учун эса «Манчестер Сити» ёки «ПСЖ» клублари каби жуда кўплаб маблағ тикиш керак бўлади».

«Футболчиларни бунда айблашдан маъно кўрмаяпман. Сўнгги йилларда «Милан»да жуда кўплаб футболчилар ўйнаб кетишди. Ҳа ҳозирги кунда ҳам жамоани кучайтириш учун 100 миллион евро сарфланди. Шундай экан турли терма жамоа аъзолари «Милан»га ўтганидан кейин яхши ўйин кўрсата олишмаяпти?», дея гапириб ўтган япониялик футболчи.