Жалолобод вилояти Алобуқа тумани раҳбарияти Наманган вилоятининг Янгиқўрғон тумани аҳолисига борадиган сувни деярли тўсиб қўйди.
Айтилишича, икки туман сув хўжаликлари ўртасида секундига 0.1 кубометр сув етказиш борасидаги келишув бузилиб, Олабуқанинг Оқтомидан Янгиқўрғоннинг Оқтомига 0.005 кубометр сув ўтказилмоқда.

Сув меъёрининг 20 баробар камайиши пахта, мева ва сабзавот вегетациясига салбий таъсир кўрсатмоқда.
Қирғизистон томони бу ҳолатни ўз далаларига сув етшимаётганлиги билан тушунтирмоқда. Қирғизистон Оқтомининг бош мироби Актам Тўрақул Айдаров сув миқдорининг бу йили камайиб кетганини таъкидламоқда.
Ўз навбатида, Ўзбекистон Оқтоми аҳолиси қўшниларининг сўзларини инкор қилмоқда.

муаллиф: Дилбар Рахматуллаева