Бугунги кунда Ўзбекистондаги тижорат банклари томонидан халқаро пластик карталар орқали тўловларни амалга ошириш инфратузилмасини такомиллаштириш бўйича бир қатор чора-тадбирлар амалга оширилмоқда.

Жумладан, “ORIYENT FINANS” хусусий акциядорлик тижорат банки Maestro ва MasterCard халқаро пластик карталари орқали тўловларни амалга ошириш имкониятига эга бўлган тижорат POS -терминалларини сайёҳлик соҳасида фаолият кўрсатаётган ташкилотларга ўрнатиш хизматини таклиф этмоқда.

“ORIYENT FINANS” банки Maestro ва MasterCard халқаро тизимининг хавфсизлик мезонларига мувофиқ равишда ҳимояланган микропроцессор чипларидан фойдаланган ҳолда халқаро пластик карталардан тўловларни қабул қилиш эквайрингини амалга оширади. Терминаллар парки Ўзбекистон бозорида ўзини ижобий намойиш этган Verifone компаниясининг замонавий POS-терминалларидан ташкил топган, деб хабар қилади «Ўзбектуризм» МК матбуот хизмати.