АҚШнинг Техас штатида 1998 йилда мексикалик муҳожирнинг жонига қасд қилиб, унинг 8 доллар пулини ўғирлаган 35 ёшли эркакка нисбатан чиқарилган ўлим жазоси ижро этилди, дея хабар берди Reuters.

Хуан Мартин Гарсия Хьюстон шаҳрида оиласи билан бир неча ҳафта муқаддам Мексикадан кўчиб келган Хью Соланони отиб, тунаб кетган эди, деб ёзмоқда New York Daily News.

Гарсия ўз айбига иқрор бўлган ва жазо ижро этилишидан бир ой аввал барчаси Худонинг иродаси билан содир бўлганини айтган.

Бир йил ичида 11- марта ижро этилган ўлим жазоси игна орқали танага юбориладиган ўлим келтирувчи дори воситаси ёрдамида амалга оширилди.

Қайд этилишича, Техас олий жазоларни ижро этиш бўйича етакчилик қилади.