Тошкент ва Боку халқаро автомобил қатновлари ҳақидаги ўзаро битимни имзолади

Ўзбекистон 07 Октябрь 2015 2203

Ўзбекистон автомобил ва дарё транспорти агентлигида жорий йилнинг 29-30 сентябрь кунлари Ўзбекистон Республикаси ва Озарбайжон Республикасининг ваколатли органлари вакиллари иштирокида эксперт учрашуви бўлиб ўтди.

Музокаралар давомида томонлар халқаро автомобил ташувлари борасидаги иккитомонлама ҳамкорликнинг ҳозирги кундаги ҳолати юзасидан фикр алмашиб, икки давлат ўртасидаги юк ташувлари билан боғлиқ масалаларни муҳокама қилишди.

Бундан ташқари, томонлар Ўзбекистон Республикаси ҳукумати ва Озарбайжон Республикаси ҳукумати ўртасидаги халқаро автомобил қатновлари ҳақидаги ўзаро битим лойиҳасининг якуний таҳририни муҳокама қилди ва уни имзолади.

Кўпроқ янгиликлар