Тошкентнинг чеккасидаги хонадонлардан бирига ўғриликка тушиб, кўп миқдорда пул олиб чиқиб кетган жиноятчи қўлга олинди. Бу ҳақда “На посту” нашри ёзмоқда.
Айтилишича, ўғри Илья Макасин илгари сантехник бўлиб ишлаган. Фаолияти давомида атрофдаги кўплаб хонадонлардаги вазият ҳақида маълумот тўплашга муваффақ бўлган. Сўнг ишдан бўшаб, ўзи энг бой деб топган хонадонларга ўғриликка тушишни режалаштирган.
Таъкидланишича, Макасин ўз режасидаги биринчи ўғриликни амалга оширишга улгурган, холос. Орадан бир неча кун ўтиб, у милиция томонидан қўлга олинган.