Porsche’нинг собиқ ва Volkswagen’нинг амалдаги бош директори Маттиас Мюллер Volkswagen компанияси дизель двигателлар билан боғлиқ можародан сўнг яна 2-3 йил ўтиб яна ўз мавқеини тиклаб олишга барча имкониятларга эга деб айтди.

Унинг айтишича, кўпчилик машиналарда зарарли чиқиндилар муаммосини дастур орқали тузатиш мумкин ва фақатгина баъзиларда катализатор ва форсункаларни алмаштиришга тўғри келади.

Мюллернинг айтишича, маълумотлар билан фирибгарликлар АҚШда эмас, балки Германия ҳудудида амалга оширилган бўлиши мумкин.

Бундан ташқари, Мюллер компаниянинг дизелли моделларининг АҚШ бозоридан кетиши имкониятини инкор этмоқда.

Янги бош директор дивидендлар тўлаш борасидаги қарор ҳали қабул қилинмагани ва бу қарор 2016 йилнинг баҳорида акциядорлар йиғилишида қабул қилиниши кутилаётганини қўшимча қилиб ўтди.

Аввалроқ Volkswagen атрофидаги можаро Европа Иттифоқидаги 8 млн та дизель автомобилни қамраб олгани маълум қилинганди.