“Трансаэро” йўловчилари ҳалигача Оқтовдан Москвага учиб чиқа олмади. Бу ҳақда Қозоғистон сайтлари хабар бермоқда.

Эслатиб ўтамиз, кеча Россиянинг “Трансаэро” авиакомпаниясига тегишли, Оқтов-Москва рейсини амалга ошираётган самолёт Қозоғистоннинг аэропортидан чиқариб юборилмаяпти. РИА Новости агентлигининг аэропорт директори Ерғази Жолдасовга таяниб ёзишича, улардан 36 минг доллар қарзини ўташ талаб қилинмоқда.

“Уларнинг қарзи 10 млн танга, кўпдан буён тўпланиб келди. Биз уларни 7-куни ёзма огоҳлантирдик: қарзингиз бор, уни тўланг, акс ҳолда бу ерга учиб келманг. Улар эса учиб келди”, - деди амалдор.

Айтилишича, шартнома бўйича бу пуллар олдиндан тўланиши керак эди.