9 октябрь куни «Умр бекатлари» ҳужжатли фильми тақдимоти бўлиб ўтади

Маданият 08 Октябрь 2015 3756

9 октябрь куни Алишер Навоий номидаги Ўзбекистон Миллий кутубхонасида, «Кексаларни эъзозлаш йили» Давлат дастури ижросини таъминлаш мақсадида «Ўзбеккино» Миллий агентлиги буюртмасига асосан Илмий-оммабоп ва ҳужжатли фильмлар киностудияси томонидан суратга олинган «Умр бекатлари» ҳужжатли фильми тақдимоти бўлиб ўтади. Бу ҳақда «Ўзбеккино» МА хабар берган.

Ҳужжатли фильм қаҳрамони – асли шаҳрихонлик, айни кунларда Тошкент шаҳрида истиқомат қилаётган, бу йил 101 баҳорни қаршилаган Ҳалима ая Қаюмовадир. Бутун ҳаётини темирйўл соҳасига бағишлаган ая 24 ёшидан бошлаб нафақага чиққунига қадар темирйўл ўтказгичи (стрелочник) сифатида ишлади.

Ёш ижодкор Лобар Қобилова сценарийси асосида режиссёр Музаффар Эркинов томонидан суратга олинган фильмда аянинг стрелочник сифатида меҳнат қилган илк даврлари бадиийлашган талқинда тасвирланган бўлиб, ёш Ҳалимани ташқи кўриниши унинг ёшлигига ўхшаш таниқли актриса Нигора Каримбоева гавдалантирган.

«Ҳужжатли фильм зерикарли асар дегани эмас. Унда албатта бадиийлик унсурлари бўлиши керак», – дейди фильм режиссёри М.Эркинов. Сценарий муаллифининг қайд этишича, Ҳалима аянинг ибратли умр йўли ёшларга ўз касбига садоқат, танлаган йўлида собитқадам бўлиш, меҳр-муҳаббат, фидойилик жиҳатлари билан намуна бўла олади.

Фильм тақдимоти ва ижодкорлари билан учрашув 15:00да бошланади. Тадбирни ёритишни истаган оммавий ахборот воситалари вакилларини ҳужжатли фильм тақдимотига таклиф қиламиз. Зарур маълумотларни Агентликнинг матбуот хизмати билан боғланиб олишингиз мумкин.

Эслатиб ўтамиз, 29 сентябрь куни Республика Киночилар уйида «Кексаларни эъзозлаш йили» Давлат дастури ижросини таъминлаш мақсадида «Ўзбеккино» Миллий агентлиги буюртмасига асосан суратга олинган «Адабиёт сарманзиллари», «Дониш дарахти» ва «Уста» ҳужжатли фильмлари тақдимоти бўлиб ўтганди.

Ҳозирги вақтда математик олим, академик Маҳмуд Салоҳиддинов, Ўзбекистон халқ артистлари Ёқуб Аҳмедов, Рихси Иброҳимова, Яйра Абдуллаева, Ўзбекистонда хизмат кўрсатган артист Клара Жалилова ҳаёти, илмий ва ижодий фаолияти ҳақидаги ҳужжатли фильмлар тайёрланмоқда, Ўзбекистон халқ артистлари Ҳусан Шарипов, Санъат Девонов, Баҳодир Йўлдошев, Ўзбекистон халқ рассоми Жавлон Умарбеков, Ўзбекистон санъат арбоби Рихсивой Муҳаммаджонов тўғрисидаги ҳужжатли фильмлар сценарийлари устидаги ишлар давом эттирилмоқда.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 20600 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 23806 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12220 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 13204 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 42591 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53588 Жамият
Кун.uz офис изламоқда
15:48 / 06.08.2017 48069 Lifestyle
«Ижтимоий фикр»: Аксари ўзбекистонликлар «тақдирим, келажагим Ватан билан муштарак» дейишмоқда
ОАВ: Барселонадаги теракт ижрочиси ҳужумдан 4 кун аввал Парижга борган
17:59 597 Жаҳон
Бектемир туманида  маъмурий назорат қоидаларини бузган шахс қўлга олинди
17:58 501 Жамият
Кўпроқ янгиликлар