Google реструктуризацияси натижасида ташкил этилган Alphabet компанияси abcdefghijklmnopqrstuvwxyz.com доменини рўйхатдан ўтказди. Бу ҳақда The Wall Street Journal ёзмоқда.

Лотин алифбосининг 26 ҳарфидан иборат бу домен 1999 йилда рўйхатга олинган, лекин бирортанинг номига ўтказилмаган эди. Шу йилнинг 7 октябрь куни у Google структурасига ўтгани маълум бўлди.

Alphabet харидни тасдиқлади. Компания вакили ҳазил тариқасида илгариги abc.xyz доменида “айрим ҳарфлар” етишмаслигини айтиб ўтди.