Waze навигация хизмати томонидан тузилган рейтингга кўра, дунёдаги энг узун автомобиль тирбандликларидан Колумбиянинг Вильявисенси шаҳри аҳолиси азият чекмоқда, дея ёзди Tech Insider.

Waze хизматининг йўллар тирбандлиги рейтингидан Лондон, Жакарта, Милан ва Қуддус шаҳарлари ҳам ўрин эгаллади.
Жаҳондаги энг кучли тирбандликлар қайд этиладиган йигирмата шаҳарнинг бештаси эса АҚШда жойлашган. INRIX ва Texas A&M Transportation Institute тадқиқот марказлари маълумотларига кўра, 2014 йилда америкаликлар ўртача 42 соат вақтини тиқилинчлар ичида ўтказган. Бу эса бир иш ҳафтасидан кўпроқ муддат тирбандликлар орасида ўтганини англатади.

Бошқа тадқиқотлар натижаларидан Waze тақдим этган маълумотлар мазкур хизмат ўзида кўпроқ фойдаланувчилар базасига эга экани билан ажралиб туради. Ҳайдовчилар ва йўловчилар мобиль илова орқали йўллардаги ҳолатлар, авариялар, таъмирлаш ишлари ва мавжуд полициячилар тўғрисида ахборотлар қолдиришади.