Туркия Россия билан муносабатларнинг Сурия туфайли кескинлашуви муносабати билан ушбу мамлакатдан газ сотиб олиш масаласини қайта кўриб чиқиши мумкин. Бу ҳақда Туркия президенти Ражаб Тойиб Эрдўған айтиб ўтди.

“Россия бу масалаларда эҳтиёткор бўлиши керак. Биз уларнинг табиий газини сотиб олувчи биринчи рақамли харидорлармиз. Туркиянинг йўқотилиши уларга оғир зараб бўлади.

Керак бўлса, Туркия табиий газни турли жойлардан сотиб олиши мумкин”, - унинг сўзларини келтиради РИА Новости.
Унинг журналистлар билан суҳбати Японияга кетишда, самолёт ичида бўлиб ўтди.