Google компанияси ўзининг янги Accelerated Mobile Pages хизматини синовдан ўтказмоқда. Бу хизмат фойдаланувчилари газеталар сотиб олмаган ва сайтларга кирмаган ҳолда янгиликларни ўқиши мумкин бўлади.

Google таклиф этадиган бу хизмати учун Apple ва Facebook`дан фарқли равишда янгиликларини платформага жойлаштирадиган нашрлардан ҳақ ундирмайди.

Айни вақтда ушбу хизмат синов муддатида ва у қачондан бошлаб жорий этилиши номаълум.

Қайд этиш керакки, The Washington Post нашри ўқувчиларининг 60 фоизи янгиликларни мобил қурилмалар орқали ўқийди ва бундай лойиҳаларни қулайлиги учун қўллаб-қувватлайди.

Google бу лойиҳа бўйича газеталар ва журналлардан ташқари, бошқа турдаги медиа-контентлар билан ҳам ҳамкорлик қилишни режалаштирган.