АҚШдагиларнинг ҳисоблашича, КХДР америкаликларга нисбатан ядровий қуроллар қўллаш имкониятига эга. Бу ҳақда Guardian нашрида ёзилган.

Адмирал Билл Гортни маълум қилишича, америкалик разведкачилар КХДРнинг ядро қуроллари ҳақида маълумотларни қўлга киритган.

"Биз уларга бизга нисбатан ядро қуроллари қўллаш имкониятига эга бўлишларига қаршилик кўрсатмадик", дейди Гортни Атлантика кенгаши йиғилишида.

Унинг қўшимча қилишича, Ким Чен Иннинг ҳаракатларини олдиндан билиш қийин. Агар у АҚШга ракеталар йўллашга қарор қилса, жавоб зарбалари ўта шафқатсиз бўлади.

Ўтган ойда расмий Пхеньян космосга чиқариш учун янги сунъий йўлдош тайёрлаётгани ҳақида маълум қилганди. Бироз олдинроқ, шимолликлар халқаро ҳамжамият томонидан тақиқ ўрнатилганига қарамасдан ракета синовлари ўтказганди.

АҚШ томони тахминига кўра, КХДР баллистик ракеталар яратишда муваффақиятларга эришган бўлиши мумкин.
Шу йилнинг мартида АҚШ ракетадан мудофаа агентлиги шимол корейслари шу йилнинг ўзидаёқ шундай ракеталарни ишлаб чиқаришни бошлаши мумкинлиги ҳақида айтганди.

Билл Гортнининг сўзларига кўра, АҚШ ракета ҳужумидан мудофаа соҳасини ривожлантириш ва замонавийлаштириш учун моддий таъминотни оширади. Агентлик янги ракета ҳужумларини аниқлайдиган радарлар ишлаб чиқаришни режалаштирган.