Германия канцлери Ангела Меркель Туркиянинг Европа Иттифоқига тўлақонли аъзо бўлишига қарши эканини яна бир бор маълум қилди. Бу ҳақда Германия ҳукумати раҳбари 7 октябрь куни кечқурун ARD телеканалидаги ток-шоуда айтиб ўтди.

“Мен Туркиянинг Европа Иттифоқи аъзолигига доимо қарши бўлганман ва ушбу фикрда қоламан”, - деди Меркель.

Бироқ унинг фикрича, Европа тўқнаш келиб турган муҳожирлар инқирозини ҳал этишда Туркия билан мулоқотларни қўллаб-қувватлаш зарур. “Ҳақиқатдан биз бир-биримизга керакмиз”, - дея қўшимча қилди у.