НАТО бош котиби Йенс Столтенберг альянс ҳаво кенгликларига Россия самолётлари бузиб кирганидан сўнг ўз иттифоқдошини ҳимоя қилиш мақсадида Туркияга ҳарбий қўшинлар юборишга тайёр эканини маълум қилди. Бу ҳақда Reuters агентлиги хабар тарқатди.

“НАТО тайёр ва барча иттифоқчилари, жумладан, Туркияни ҳар қандай таҳдидлардан ҳимоя қилиш ҳолатида<...> НАТО жанубий чегаралар, хусусан, Туркияга ҳарбий кучларини жойлаштиришга тайёр”, - деди Столтенберг.

Бундан аввалроқ эса Туркия президенти Тойиб Эрдоған Анқара республика ҳаво кенгликлари Россия ҳарбий самолётлари томонидан бузилиши муносабати билан Россия газини сотиб олишни рад қилиши ҳақида сўзлаган эди.