АҚШ президенти Барак Обама АҚШлик ҳарбийлар томонидан Афғонистоннинг Қундуз шаҳрида "Чегарасиз шифокорлар" ташкилотига тегишли шифохонанинг ўққа тутилиши учун ташкилотдан узр сўради, деб маълум қилди Оқ уй матбуот котиби Жош Эрнестнинг баёнотини Reuters ахборот агентлиги.

"Бугун эрталаб президент Обама "Чегарасиз шифокорлар" ташкилоти президенти, шифокор Джоанн Льюга Қундузда АҚШ ҳарбий-ҳаво кучлари томонидан ташкилотнинг шифохонасига ҳаводан янглиш зарба берилиши оқибатида шифохона ходимлари ва беморлар ҳалок бўлгани учун узр сўраш ва ҳамдардлик билдириш мақсадида телефон қилди", деб айтди Эрнест.

Аввалроқ АҚШ мудофаа вазири Эштон Картер Қундуздаги ҳужумни фожиавий хатолигини тан олгани маълум қилинганди.

"Чегарасиз шифокорлар" ташкилоти шифохонасига зарба берилиши оқибатида 19 киши: 12 нафар ходим ва камида 7 нафар бемор, жумладан 3 нафар бола ҳалок бўлган. Яна 37 нафар киши, шу жумладан ташкилотнинг 19 нафар ходими жароҳатланган.