Вьетнамнинг PetroVietnam Exploration & Production (PVEP) концерни 2016 йил ёзига қадар Ўзбекистон ҳудудидаги қидирувларини давом эттириш бўйича якуний қарорга келади. Бу ҳақда компания вакиллари матбуотга баёнот беришди.

“Биз Устюрт минтақасидаги биринчи блокда разведка ишларини якунлашни режалаштирмоқдамиз, кейинги режаларимиз шунга боғлиқ бўлади”, - унинг сўзларини келтиради Prime агентлиги.

Концернга тегишли Kossor Operating Company 2016 йилда қидирув-разведка қудуғини бурғулаб, Устюрт минтақасидаги Коссор инвестицион блоки натижаларига баҳо беради.