Қозоғистонлик эгизак йигитлар пойафзал харид қилишга бориб, бахтларини топишди

Жамият 08 Октябрь 2015 16706

Яқинда қозоқча интернетда иккита эгизак жуфтлик бир-бирини топгани ҳақидаги хабар кўп шовшувларга сабаб бўлди. Эгизакларнинг чиройли оилалар қургани кўпчиликнинг олқишларига сабаб бўлди.

Айтилишича, Тўрибек ва Жолдасбек Тўлепбергенўғилларининг дунёга келиши билан ота-онаси уларга эгизак келинлар қидиришга киришиб кетишган. Аммо бутун Оқтовда бундай келин топилмаган.


Келинлар – Асил ва Ойим Бийназаровалар учун эса, аксинча, ҳеч қачон эгизак куёвлар қидирилмаган. Шундай бўлса, тақдир уларнинг йўлини бир жойдан қилди.
“Биз эрларимиз эгизак бўлишини ўйламаганмиз ҳам. Шундай бўлиб чиқди ҳаммаси”, - дейди келинлар.

Тўрибек ва Жолдасбеклар Уральскка ўқигани келиб, қизларни шу ерда учратиб қолишди. Ойим пойафзал дўконида ишларди. Жолдасбек у ерга дўсти билан оёқ кийим харид қилиш учун келиб, орзуидаги қизни учратди.
“У оёқ кийим танлаб, худди шунақаси яна бор-йўқлигига қизиқдим. Нимага кераклигини сўрасам, эгизак акам бор деб жавоб берди, - эслайди Ойим. – Жуда қизиқ, менинг ҳам эгизак опам бор, дедим.

Жолдасбек, гарчи оёқ кийим унга бироз тор келган бўлса ҳам, уни сотиб олди ва, кейин билишимча, ҳамкасбимдан исмимни сўраб, кетди. Кейин у акаси билан бизни бутун Уральск бўйлаб қидиришди. Икки ҳафтадан сўнг топишди”.
Қизлар учрашувга чиқишга фақат 3 ҳафтадан сўнг рози бўлишди, бир йилдан сўнг эса йигитлар уларни турмуш қуришга кўндира олишди.

Кеча, 7 октябрь куни, ёш келинларнинг беточар маросими ўтказилди.
Журналистлар қизлар эрларини қандай фарқлашларига қизиқиб кўришди. Бахтли келинчаклар фақат биринчи учрашувларда бироз адашишганини баён этишди.
“Тўрибек анча келишганроқ кўринади”, - деб ҳазиллашди Асил.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 63901 Жамият
Кун.uz офис изламоқда
15:48 / 06.08.2017 36335 Lifestyle
Трампнинг биргина твити Amazon’нинг деярли 6 млрд доллар йўқотишига сабаб бўлди
22:35 34 Жаҳон
Алмазбек Атамбоев Ўзбекистонга расмий ташриф билан келади
Видеорепортаж: Қўқон-Андижон йўналиши бўйлаб ҳаракатланаётган поезд автомобиллардан илгари манзилига етмоқда
Apple шахсий видеоконтентини ишлаб чиқариш учун миллиард доллар сарфлайди
Бошқалар лотинча имлога қандай ўтишди? Мукаммаллик сари ислоҳотлар
22:20 385 Жамият
ОАВ: Роналду ортидан Зидан ҳам дисквалификация қилиниши мумкин
22:05 2217 Спорт
Давлат ва ОАВ: Ахборот майдонида ҳаммага тенг шароит яратилиши керак
Маҳаллий давлат ҳокимликлари юридик хизматига таклиф этади
Кўпроқ янгиликлар