Россиялик қўшиқчи ва бастакор Игорь Николаев ва унинг рафиқаси, хонанда Юлия Проскурякова қиз фарзандли бўлишди. Бу ҳақда ўзининг фейсбукдаги саҳифасида продюсер Евгений Фридлянд маълум қилди.

"Бугун қўшниларимизда Вероника исмли қизча туғилди, қизнинг вазни 2695 грамм ва бўйи 490 мм. Чин кўнгилдан табриклаймиз! Бироқ бир нарсани сўрашга ийманиб турибман – Верониканинг  фамилияси қандай? Проскуряковами ёки  Николаевами? )))", деб ёзди Фридлянд.

Ёш онанинг ўзи твиттерда қуйидаги хабарни қолдирди: "Бугун 7:34 да Вероника исмли қизимиз туғилди. Хуш келибсан, қизалоғим!".

"Комсомольская правда" нашрининг маълумотларига кўра, янги туғилган қизча Юлия Проскурякова ва Игорь Николаевнинг биринчи фарзандларидир. Жуфтлик 6 йилдан бери бирга яшамоқда. Улар турмуш қуришганда ҳаттоки Николаевнинг дўстлари ҳам уларнинг никоҳларига шубҳа билан қарагандилар, чунки уларнинг орасидаги фарқ 22 йилни ташкил қилади. Николаевнинг биринчи турмушидан қизи ўзининг ўгай онасидан 5 ёшга катта. Бироқ Игорь ва Юлия гап-сўзларга эътибор бермаганлар ва фарзанд кўришни жуда исташган.