Медиамагнат Руперт Мердок АҚШ президенти Барак Обаманинг ҳақиқий қора танли президент деб ҳисобламаслигини айтди. Унинг фикрича, президент лавозимига номзодлардан бири, қора танли Бен Карсон Обамадан кўра кўпроқ ирқий камчиликлар муаммоларини эплай олган бўларди. Мердок бу ҳақдаги ёзувни Twitter’да чоп этди.

"Бен ва Кенди Карсон ажойиб инсонлар. Ирқчилик муаммолари ва бошқа кўплаб саволларни эплай оладиган ҳақиқий қора танли президентга нима дейсиз?", деб ёзди магнат.

Аввалроқ Мердок Карсон Детройт геттосида улғайгани, Обама эса оқ танли инсон ҳаёт йўлини босиб ўтганини айтган. Мердок Обаманинг аждодлари қуллар бўлмаганига ҳам урғу бериб ўтмоқда.

Обаманинг ўзи кўп мароталаб ўзининг қора танли эканлигини айтиб, афроамерикаликларнинг муаммоларни кўп марта оммавий муҳокамага олиб чиққан. Обама ҳақиқатан ҳам қулларнинг фарзанди ҳисобланмайди, чунки унинг отаси АҚШга Кениядан келган ва оқ танли аёлга уйланган.

Карсон эса, ўз навбатида, қора танлилар муаммоларини алоҳида муҳокама қилишни жамиятда ихтилофни яратиш учун сабаб деб ҳисоблайди. Унинг айтишича, у нейрожарроҳ бўлиб ишлаган ва тана ранги инсоннинг қандайдир муҳим тавсифларини белгилай олмаслигини яққол кўрган.