8 октябрь куни Тошкентда бўлиб ўтган ўзбек-туркман музокаралари якунига кўра турли соҳаларда икки томонлама муносабатларни ривожлантиришга қаратилган ҳужжатлар пакети имзоланди.

Музокаралар аввалида Ўзбекистон ва Туркманистон президентларининг қўшма баёноти қабул қилинди.

Шундан сўнг, транспорт соҳасида ҳамкорлик қилиш бўйича ҳукуматлараро меморандум имзоланган.

Томонлар божхона иши бўйича ўзаро ҳамкорлик бўйича ҳукуматлараро келишувга эришишган.

Шунингдек, Ўзбекистон ва Туркманистон ҳукумати 2016-2018 йиллар мобайнида фан-техника, соғлиқни сақлаш соҳаси ҳамда туризм соҳаларида кенг ҳамкорлик қилиш бўйича келишувга эришган.

Бу ҳужжатлар Ҳужжатлар Туркманистон президенти Гурбангули Бердимуҳамедовнинг Ўзбекистонга 7-8 октябрь кунларида уюштирган расмий ташрифи доирасида имзоланди.

Эслатиб ўтамиз, Гурбангули Бердимуҳамедов 2013 йил ноябрида Ўзбекистонга, Ўзбекистон Президенти Ислом Каримов эса 2014 йил октябрида Туркманистонга расмий ташриф буюрган эди.