Япониянинг Toyota Motor Corp корпорацияси ИШИД гуруҳининг қўлига унинг машиналар қандай қилиб тушаётганини батафсил ўрганишга киришади. Бу ҳақда компаниянинг АҚШ бўлинмаси раҳбарига таянган ҳолда Kyodo агентлиги хабар бермоқда.

Кеча ушбу масала жиддий тарзда муҳокама қилинаётганидан хабар берилган эди. АҚШ молия вазирлигининг аксилтеррор бўлинмаси компанияга сўров киритиб, ИШИДнинг қўлига ушбу русумдаги машиналар қандай етиб бораётганини сўраган эди. Компания вакиллари, ўз навбатида, бундан мутлақо бехабар эканликларини айтгандилар.

ИШИД жангариларининг қўлида минглаб Toyota’лар борлиги тахмин қилинади. Террорчилар тарқатаётган видеоларда одатда мана шу машиналар кўзга ташланади.