Россия президенти Владимир Путин 7 октябрда ўзининг 63 йиллик таваллуд кунида Тунги хоккей лигасида хоккей ўйнади.

Путин Павел Буре ва Валерий Каменский каби Россия хоккейи юлдузлари билан бирга рақиблар дарвозасига 7 та шайба киритишга муваффақ бўлди, унинг жамоаси эса 15:10 ҳисобида ғалаба қозонди.

Путин билан бир жамоада, шунингдек, Россия мудофаа вазири Сергей Шойгу ҳам ўйнади. Путин жамоасига қарши таркибида тадбиркорлар Геннадий Тимченко, Аркадий ва Борис Ротенберг, "Илим" гуруҳи асосчилари Борис ва Михаил Зингаревич, Москва вилояти, Татаристон ва Тверь вилояти раҳбарлари бўлган Тунги хоккей лигаси терма жамоаси ўйнади.

Маълумот учун, Владимир Путин 1952 йил 7 октябрда туғилган.