Пентагоннинг мукаммал мудофаа тадқиқотлари агентлиги (DARPA) учиш вақтида “кўздан ғойиб бўлувчи” учувчисиз аппарат ясаши ҳақида маълум қилган, деб хабар бермоқда Defense Systems.

Бу аппарат махсус операциялар вақтида ҳарбийларга керакли қурол-аслаҳалар етказиб бериши ва изсиз ғойиб бўлиши мумкин. DARPA’ нинг лойиҳа бўйича аниқлик киритишича, “ғойиб бўлиш” деганда унинг камуфляжга кириши, дрон томонидан керакли нуқтага олиб кетилиши ёки уни бутунлай йўқ қилиниши назарда тутилмайди.

ICARUS деб номланган аппарат 1,4 кг гача бўлган юкни кўтара олади, парвоздаги хатолик 9,7 метрдан ошмайди. У инсон кўзига кўринмайдиган даражада ғойиб бўлиши ва бу иложи борича атрофдагиларнинг эътиборини ўзига тортмаслиги зарур. Лойиҳа устида бирор-бир компания билан ҳамкорлик йўлга қўйилгач, 26 ой мобайнида ишланади.