Фарғона вилоятида куз-қиш мавсумига тайёргарлик давомида шу кунга қадар 319та кўп қаватли уйларда таъмирлаш ишлари олиб борилди.

УзА хабарига кўра, шаҳар ва туманлардаги 12 қозонхона, 25 қозон, 7,8 километр иссиқлик, 74,5 километр ичимлик суви, 11,8 километр газ, 7 минг 238 километр электр тармоқларида жорий ва мукаммал таъмирлаш ишлари тўлиқ якунига етказилди.

Табиий газ таъминотини яхшилаш мақсадида 7 минг 860 табиий газ тақсимлаш қурилмаси тафтиш қилинди, қарийб 42 километрлик газ қувури ҳаво босими ёрдамида тозаланди, 385 километр ер ости газ қувури текширилди.

Шунингдек, аҳолига 16 минг тоннадан зиёд суюлтирилган газ етказиб берилди. Истеъмолчиларни суюлтирилган газ билан таъминлашни яхшилаш мақсадида Бувайда ва Қўштепа туманларида газ тўлдириш шохобчалари ва Ўзбекистон, Фарғона туманларида сервис марказлари қуриш ишлари якунланмоқда.