Филиппиндаги қамоқхоналардан бирида ёнғин рўй бериши натижасида камида 9 нафар маҳбус ҳалок бўлган, бир нафари бедарак кетган.

Франс-Пресс агентлиги хабарига кўра, бу ёнғин қамоқхонанинг психиатрик бўлимида содир бўлган.

Жазони ижро этиш муассасаси вакилиниг Ассошиэйтед Пресс нашрига берган маълумотига кўра, ёнғинга элект таъминотидаги носозлик сабаб бўлган.

Қайд этилишича, Филиппин пойтахти Маниладан 620 км масофадаги Лейте вилоятидаги бу қамоқхонада кейинги 2 йил ичида иккинчи марта шундай воқеа содир бўлди.

Филиппиндаги қамоқхоналар шароитлари энг ёмон аҳволдалиги бўйича "етакчи" саналади.

Маҳаллий полиция маълумотига кўра, Лейтедаги бу қамоқхонада 500 нафар маҳбус учун ўрин мавжуд бўлгани ҳолда, унда 1256 нафар маҳбус сақланган.