Сурия қўшинлари Хама вилоятининг шимолида катта миқёсдаги ҳарбий операцияни бошлагандан бир кун ўтиб, 8 та аҳоли пунктини озод қилди, деб хабар берди 8 октябрь куни "РИА Новости" ахборот агентлигига суриялик ҳарбий манба.

Сурия армияси 7 октябрда Хама ва Идлиб вилоятлари чегарасида катта миқёсда ҳарбий операцияни бошлаганини маълум қилганди. Пиёда қўшинларнинг ҳужумга ўтишидан аввал қарийб бир кун давомида террорчилар позициялари "Град" ракета-зенит мажмуалари ва турли калибрдаги артиллерия қурилмаларидан ўққа тутилган.

"ОАВлардаги озод қилинган ҳудудлар ҳақидаги маълумот чин, бизнинг илғор отрядларимиз Латмейн, Маъркаба, Аштан, ал-Хуаейр, Кафр-Набуда, ал-Мағир, Тел-ал-Саҳр ва Тел-Усмон қишлоқлари устидан назоратни ўз қўлига олди, қўшинларнинг гуруҳлари олға боришга тайёр ва шундай қилмоқда", деб айтди манба.

Аввалроқ Сурия ва Ливан ОАВлари маълум қилганидек, Хамадаги ҳарбий операция давомида фронт чизиғи бўйлаб 50-70 кмлик ҳудуд озод этилган.