АҚШ президенти Барак Обама Украинанинг собиқ президенти Виктор Януковични “Путиннинг коррупциялашган марионеткаси” деб атади. Бу ҳақда Обама CBS телеканалига берган интервьюсида айтиб ўтди.

“Мен ўз лавозимимга ўтирганимда, Украинани Путиннинг марионеткаси бўлган коррупциялашган раҳбар бошқарган”, деб айтди Обама.

Аввалроқ Россия президенти Владимир Путин CBS телеканалига берган интервьюсида АҚШнинг Виктор Януковични ҳокимиятдан ағдаришдаги роли ҳақида аниқ билишини айтган эди.

Бундан ташқари, Путин Украина мустақиллигини ҳурмат қилишини таъкидлаган. Унинг айтишича, мустақилликка ҳурмат давлат тўнтаришлари, ноконституциявий ҳаракатларга ва қонуний ҳокимиятни четлатишга йўл қўймасликда ифодаланади.