2015 йилнинг 12 октябрь кунидан бошлаб "Афросиёб" тезюрар поездлари учун чипталарни электрон шаклда харид қилиш мумкин бўлади. Бу ҳақда «Ўзбекистон темир йўллари» ОАЖ матбуот хизмати хабар тарқатган.

Эндиликда электрон чипталарни «Uzkart» ёрдамида харид қилиш мумкин бўлади.

Банк карталари орқали тўловлар MBANK тўлов тизими маълумотлари текширилгандан сўнг амалга оширилади.

«Ўзбекистон темир йўллари» АЖ нинг хабарига кўра, электрон чипталар миллий валюта – сўмда сотилади. Тўлов амалга оширилгач, чипталарнинг сотиб олингани uzrailway.uz сайти орқали рўйхатга олинади.

Республика ҳудудидаги барча электрон чипталар шохобчаларида хизматлар бепул кўрсатилиши белгиланган.