Украина президенти Пётр Порошенко BBC каналига берган интервьюсида россиялик ҳамкасби Владимир Путин глобал хавфсизлик тартибини ағдаришни истаётганини таъкидлади.

“Ўйлашимча, Владимир Путин глобал нотинчликни истаётгани кундай равшан. Роппа-роса 18 ой муқаддам, Россия аскарлари Қримда пайдо бўлганида, ва роппа-роса 15 ой муқаддам, Россия аскарлари Донбассда пайдо бўлганида, ва ҳозир, улар Сурияда пайдо бўлганида, ҳар доим бир мақсад кўзланди”, - деди у.

Унинг фикрича, Путин мамлакат ичидаги мавқеини тиклаш мақсадида бу ишларни амалга оширмоқда.