Шанхай ҳамкорлик ташкилотига аъзо давлатлар афғон наркотрафигига қарши кураш бўйича саъй-ҳаракатларни кучайтиришни бошлашлари лозим, деб айтди Афғонистон бўйича халқаро конференцияда  Россия Қуролли кучлари Бош штаби бошлиғи ўринбосари Сергей Истраков.

"ШҲТга аъзо давлатлар иқтисодий, сиёсий, ижтимоий чоралар билан бир қаторда афғон наркотрафигига қарши кураш бўйича саъй-ҳаракатларни фаоллаштиришлари лозим. Бунда ШҲТнинг минтақавий аксилтеррорчилик тузилмаси негизида хавф ва муаммоларга қарши курашувчи янги универсал марказни яратиш ташаббусини амалга ошириш долзарблашмоқда", деб айтди Истраков.    

Истраковнинг айтишича, бўлғуси марказнинг минтақавий тузилмалар, биринчи навбатда, Коллектив хавфсизлик шартномаси ташкилоти аксилнаркотик операциялари билан ҳамкорлигини ташкил этиш муҳим.  

"Биргаликдаги саъй-ҳаракатлар билан наркотрафик, молиялаштириш, Афғонистонда ҳаракат қилувчи экстремистик ташкилотларга қурол-аслаҳа ва моддий воситалар етказиб бериш каналларини йўқ қилиш лозим", деб таъкидлаб ўтди Истраков.