Жорий йилнинг ёзида ОАВларда Сирдарё вилоятининг Хавот тумани Карвонсарой маҳалласида 12-мактаб ўқитувчиси Муҳайё Мирзалиеванинг уйидаги таъмирлаш ишларида мезозой даврига тегишли динозавр қолдиқлари топилгани ҳақидаги янгилик тарқатилган эди. Бу янгилик ижтимоий тармоқларда, онлайн-нашрларда кенг муҳокама қилинди: кимдир бу топилмадан қойил қолган бўлса, кимдир бу суяклар унчалик ҳам қимматли эмаслиги ҳақида танқидий фикр билдирган.

Улардан қайси бирлари ҳақ эканлиги борасидаги баҳсга олимлар нуқта қўйишди. Бу ҳақда Геология музейи директори Аҳмаджон Аҳмедшоев Uzbekistan Today нашрига берган интервьюсида маълум қилди.

“Ушбу шов-шувли ҳолат бўйича Ўзбекистон маданият ва спорт ишлари вазирлиги ва Давлат Геология ва минерал ресурслар давлат қўмитаси билан илмий экспедиция уюштирилди. Уннинг таркибига музейнинг уч нафар ходими кирди.

Қолдиқлар текширилганда, уларга 100-200 йил эканлиги яққолгина қўриниб турган. Кўриб турганингиздек, у пайтда нафақат Ўзбекистон, балки бутун сайёрада ҳам динозаврларнинг бўлиши мумкин эмасди.

Биз қолдиқлар топилган жойни ҳам кузатиб чиқдик, бу ерда барча аломатларга кўра ҳеч қанақасига динозавр қолдиқлари сақланиб қолиниши мумкин эмасди.

Қолдиқларнинг батафсил ўрганилиши барча шубҳаларга чек қўйди. Палеонтологлар тишлар қурилиши бўйича қолдиқларнинг қайси турга мансублигини аниқлайдиган асосий аломат ҳисобланади. Бу қолдиқлар динозаврларга эмас, балки мушуксимонлар оиласига мансублиги аломатлари кўриниб турибди. Биз мушуксимон жонзот билан тўқнаш келганимиздан унинг бош чаноғи суяги ҳам дарак бермоқда.

Сирдарёлик мутахассисларни янглиш хулоса чиқаришга, кўринишича, уларнинг суякларни нотўғри йиғиб чиққанлари сабаб бўлган. Улар йиққан суяклардан динозаврга ўхшаш тасвир пайдо бўлган.

Бу қолдиқлар қайси турга мансублигини аниқлашгина қолган. Бизнинг дастлабки хулосамизга кўра, бу қамиш мушугидир. Бироқ бу масалада охирги сўзни ҳозир қолдиқларни батафсил ўрганишни бошлаган зоологлар айтади”, деб айтмоқда Аҳмаджон Аҳмедшоев.