Қуйида бугун "Сурия можароси" бўйича юз берган энг муҳим янгиликларни такроран ҳавола қиламиз.

АҚШ бошчилигидаги коалиция Сурия ва Ироқда ИШИДнинг позицияларига 15 та авиазарба берди>>

АҚШ бошчилигидаги ИШИДга қарши коалиция Сурия ва Ироқда ИШИДнинг позицияларига 15 та авиазарба берди. Бу ҳақда Reuters ахборот агентлиги маълум қилди.

Манба: Сурия армияси бир кун ичида 8 та аҳоли пунктини озод қилди>>

Сурия қўшинлари Хама вилоятининг шимолида катта миқёсдаги ҳарбий операцияни бошлагандан бир кун ўтиб, 8 та аҳоли пунктини озод қилди, деб хабар берди 8 октябрь куни "РИА Новости" ахборот агентлигига суриялик ҳарбий манба.

ОАВ: Франция Суриядаги ИШИД объектларига иккинчи марта зарба берди>>

Франция 9 октябрга ўтар кечаси иккинчи марта Суриядаги ИШИД террористик ташкилоти марралари бўйлаб авиазарбалар берди. Бу ҳақда Франция Мудофаа вазири Жан-Ив Ле Дриан маълум қилди.

Саудия Арабистони суриялик исёнчиларга ёрдам беришни кучайтиради>>

Саудия Арабистони Суриядаги учта исёнчи гуруҳга кўрсатилаётган ёрдамни кучайтиради. Бу ҳақда Ғарб матбуоти мамлакат ҳукуматидаги манбаларга таянган ҳолда хабар бермоқда.

Россия Сурия мухолифати билан алоқа ўрнатишда Буюк Британиядан ёрдам сўрамоқда>>

Россия Буюк Британия вакилларига ИШИДга қарши курашда саъй-ҳаракатларни мувофиқлаштириш мақсадида "Сурия озод армияси" билан алоқалар ўрнатишда ёрдам бериш илтимоси билан мурожаатнома юборди, деб маълум қилмоқда РИА “Новости” ахборот агентлиги.

Давлат департаменти: АҚШ Сурия сабабли Россия билан ихтилофга боришни истамайди>>

АҚШ Россия билан Сурия келажаги сабабли можароларга боришни хоҳламайди, дея маълум қилди Давлат департаменти вакили Жон Кирби брифинг чоғида. Бу ҳақда РИА «Новости» хабар қилди.

Эштон Картер: АҚШ Суриянинг ўртамиёна мухолифатини қўллаб-қувватлашни давом эттирмоқда>>

АҚШ Суриянинг ўртамиёна мухолифатига кўмак кўрсатишни давом эттирмоқда, деб айтди 8 октябрда журналистларга НАТОга аъзо давлатлар мудофаа вазирлари йиғилишидан кейин АҚШ мудофаа вазири Эштон Картер.

АҚШ маъмурияти: ИШИД АҚШга "Ал-Қоида"дан кўра кўпроқ хавф солади>>

ИШИД террорчилик гуруҳи АҚШ учун "Ал-Қоида"дан кўра каттароқ хавф солмоқда, деб айтди 8 октябрда АҚШ конгрессида АҚШ Миллий аксилтеррорчилик маркази раҳбари Николас Расмуссен.  

Обама Сурияга Путинни “таклиф” қилишда айбланди>>

АҚШ президентлигига номзод Крис Кристи амалдаги давлат раҳбари Барак Обамани Россия президентини Сурияга “таклиф” қилишда ҳамда унинг зиммасига ИШИД муаммосини юклаб қўйишда айблади. Бу ҳақда The Washington Examiner нашри ёзмоқда.

Эксперт: Toyota машиналари ИШИДга Австралия орқали етказилмоқда>>

Toyota автомобиллари ИШИД террорчилари қўлига Австралиядан етказилмоқда. Бу ҳақда РИА “Новостига терроризм муаммолари бўйича эксперт, австралиялик профессор Грег Бартон маълум қилган.

Манба: ИШИД Сурия армиясига қарши кимёвий қуролдан фойдаланиши мумкин>>

Россия марказий штабидаги манба ИШИД жангарилари томонидан Сурия ҳукумат қўшинларига қарши заҳарловчи газдан фойдаланиши мумкинлигини инкор этмади, дея хабар берди ТАСС.

Исроил Россияни Сурияга оид разведка маълумотлари билан таъминлашни бошлайди>>

Исроил ҳарбийлари Россияни Сурия мухолифати гуруҳи позициясига оид маълумотлар билан таъминлаб туришни бошлайди. Бу ҳақда Channel 2TV телеканалида хабар берилган.

Обама маъмурияти Сурияда мухолифат кучлари тайёрлаш бўйича дастурни тўхтатади>>

АҚШ президенти Барак Обаманинг маъмурияти Сурия ҳудудидаги мухолифатчиларга ҳарбий сабоқ бериш бўйича ишлаб чиқилган дастур фаолиятини тўхтатиш бўйича қарор қабул қилган. Бу ҳақда The New York Times хабар берди.

Сурия армияси 100 нафардан ортиқ жангарини бартараф қилди>>

Сурия президенти Башар Асад армияси амалга оширилган кенг миқёсли ҳарбий амалиётлар натижасида 100 нафардан ортиқ жангарини йўқ қилди. Бу ҳақда Sana агентлиги ҳарбий манбасига асосланган ҳолда хабар берган.

Foreign Affairs: Ироқ Россиядан ёрдам кутмоқда>>

Ироқ ҳукумати ИШИДга қарши курашда Россия билан яқиндан ҳамкорлик қилишни истамоқда, негаки АҚШнинг ҳаракатсизлигидан ҳафсаласи пир бўлган. Бу ҳақда Foreign Affairs нашри ёзмоқда.