XX асрнинг энг машҳур суратларидан бири – рассмо Роберт Мепплторнинг «Полиэстердаги костюм кийган эркак» (Man in polyester suit) асари – Sotheby's аукционида 478 минг долларга сотилди. Бу мазкур асарнинг бошланғич нархидан икки мартага қимматроқ бўлди, деб ёзади ТАСС.

Sotheby's фотографлик уйи раҳбари Кристофер Махоуни мазкур ҳолатни «Роберт Мэпплторнинг бу каби ноёб асарини аукцион савдоларига қўйшимиз ва мазкур нархда сотишимиз фахр бағишлайди. Унга бўлган талабнинг фантастик даражада экани фотографнинг қай даражада маҳоратли эканидан дарак беради», дея баҳолади.

Унинг фикрича, сурат олинган 1980 йилда ҳақиқий авангард сифатида қабул қилинган бўлса, ҳозир ҳам ўзининг актуаллигини йўқотмаган.

Аукцион савдолари куни умумий сотилган суратларнинг баҳоси 3,3 млн. долларни ташкил қилган.

Мазкур оқ-қора тасвирдаги сурат охирги марта бундан 23 йил муқаддам аукцион савдоларига қўйилган, ўшанда суратнинг нархи 9,9 минг долларга баҳоланганди. Ҳозирда унинг нархи қарийб 50 бараварга қимматлашган.